انتي يا غربة سنيني

وين يا ذكرى الحنين
ما تباعدك السنين ... !
احرِق الشوق شمعة سهر
واغني الـ آآآآآآآه
واطوي الليل اقلّب ذكرياتي
القى بين سطورها بعضي
والباقي أنساه ..!!


:


تاه صبري
بين اسفارك .. وقبري
المرح .. الابتسامة
الفرح كله نسيني زمانه
والحنين اللي بصدري
مل والله من مكانه !
وينك ... ؟ يا اغلى روح
آه بس
لو كنت ادري !


:

الاماكن ماعاد هي نفس الاماكن
والتراب اللي حفظ خطواتنا
ماعاد يعرف خطوتي
والزمن وقّف فلحظة وداع
والمطر غايب سحابه
الا من عيوني ..
والامل ياكود بابه
مدري هو اللي ساجني
والا هو سجيني ..؟
انتي
يا غربة سنيني
فكي اسري .. واعتقيني
مابقى بي ..
غير اطلال وملامح
انتي ..
يا غربة سنيني
انفضي غبار البعاد
واطعني صدر الجفا
او اطعنيني ..!